Mateus, 31, ex-polis, a pasa den hopi pa por yuda su famia sobrevivi na Curacao

Español

Prome biaha mi a bin Corsow tabata via avion, pero nan a deportami. E di dos biaha mi a bini Corsow tabata via boto. Mi tabata un polis na Venezuela.

Prome biaha aki nan na Curaçao mi a traha duru y mi a logra trece mi casa y yui muher chikito na e isla aki. Pero cuatro dia despues cu nan a yega nan a detenemi y deportami atrobe. Ora mi a yega back Caracas, mi a biba scondi den laman labando mi panja y banjando mi mes den awa di laman. Mi a haci esaki pa motibo nan cu mi tin miedo cu mi lo wordo identifica. Mi por a cumpra 1 cuminda pa dia y mi tabata bebe awa di awacero.  Mi a perde hopi peso. Despues di un luna di biba asina ki, mi a haya un boto pa bai back Curacao. Pero nan a acepta mucho hopi hende den e boto. Nos a pasa 18 hora den laman, e tabata horibel. Tabata skur, laman tabata preto, y e ola nan di laman tabata mustra hopi peligroso. Mi sa mi ta un homber fuerte y mi por landra, pero mi nunca tabata asina spanta den mi bida. Bo djis sa cu bo no lo sobrevivi si e boto bolter y bo Sali for di boto bai den e laman.

Hende nan tabata bira malo den e boto y haci nan nececidad nan den boto. Tabata asina skur cu nos no por a haya Corsow. Nos a sigui navega e ola nan den laman cu tur e skuridad cu tabata tin. Finalmente nos a wak e candela di e refinaderia y nos tabata sa cu nos tabata biniendo cerca. Pero mas cerca nos a yega, nos a ripara cu  guardacosta a detecta nos. Nos tur a bula for di boto den laman y yega na tera. Mi a kita mi keds y mi panja y mi a core lo mas liher cu mi tabata por y sconde den mondi pa hora nan largo. Mi tabata kima, sangrando y completamente deshidrata. Mi a tuma siman nan pa recover fisicamente.

Mi lo gusta pa hende nan di Curacao tin mas solidaridad pa Venezolanonan. Nos a hui pasobra di e circumstancia dificil. Pero mescos cu den tur pais, bo ta haya hende amabel y hende cu no ta amabel. Mi tabata tin e suerte di a conoce algun hende amabel, manera mi teniente di apartmento y mi hefe, y nos tabata capaz di a haya acceso na consulta nan medico.

Mi documento nan ta den proceso aworaki, mi semper ta cana rond cu mi papel nan pa mi no ta deporta atrobe. Mi tin 6 hende na cas cu ta depende di mi y mi ingreso. Nos semper ta biba den tension constant y inseguridad. E ta stranjo pa pensa con mi bida a cambia. Si algo yega pasami, mi famia na cas no lo sobrevivi. Nos no por bai for di e isla.

Mi deseo mas grandi ta pa ta liber, pa tin un status regular pa mi por traha riba mi meta nan. Nos no a scapa Venezuela pa motivo nan luhoso , pero pasobra nos tabata desespera. Nos kier e oportunidad di ta valioso y contribui na e pais. Mi casa tin licensia den administracion y ami ta un polis.