Voz nan scondi: Fotografo di Curacao ta ilumina luz riba e storia nan di refugiado nan y migrante nan di Venezuela durante pandemia
Voz nan scondi: Fotografo di Curacao ta ilumina luz riba e storia nan di refugiado nan y migrante nan di Venezuela durante pandemia
Den un prome exhibit di Curacao pa documenta e impacto di COVID-19 pa refugiado nan y migrante nan, fotografo local di Curacao Berber Van Beek ta invita audiencia nan den un experiencia personal na algun esnan cu ta permanece den un status irregular den e isla chikito den Caribe (Curacao).
Tin den total 6 storia di 6 Venezolanonan entre otro homber y muhe cu a bai Curacao cu speranza pa reconstrui nan bida. Pero manera cu COVID-19 a bini rond mundo, e Venezolano migrante nan a drenta den un modo di desesperación, hamber y pobreza den nan comunidad y nan tabata forza pa keda Voz nan scondi.
“Tin un grupo di hende cu ta forza pa keda den e sombra, y cu no tin apoyo pasobra nan no tin status regular” Van Beek a bisa. E tambe a bisa cu e ta consiente den e dificultad nan presente na Curacao pa apoyo nan mes un cuidadano nan. “Loke nos sociedad no ta compronde ta e situashon desesperante hopi di nan a hui for di dje, te hasta si esey ta riesga nan bida of pone den peliger” e a bisa mustrando solidaridad.
Manera hopi di nan den Voz nan scondi, refugiado of migrante Venezolano bibando den situacion irregular y cu particularmente ta den riesgo, y hopi di nan tin tiki of no tin acceso na medicina of proteccion social. Sin oportunidad di regularize nan estadia, specialmente durante COVID-19, e mayoria di e hende nan aki nan ta lucha duru pa reconstrui nan bida.
“Un status regular lo habri e porta pa famia nan Venezolano integra localmente y contribui na nan comunidad manera pagado di impuesto” Renee Cuijpers a bisa, Diputado Representativo Regional di ACNUR Curacao. “Pais nan den Caribe a tuma algun stap nan positivo pa apoya incluimento di refugiado y migrante nan. Nos ta spera pa sigui cu stap nan mas grandi pa asina yega na solidaridad pa e refugiado nan y migrante nan.”
Di e 5 miyon di venezolano nan cu a hui nan pais pasobra di inseguridad, escacez di cuminda, medicina, casi 200.000 a bin Caribe na unda nan tin speranza pa un mihor future den nan comunidad nobo.
ACNUR, e Agencia di NU, ta traha cu gobierno y otro socio nan den Caribe pa por aboga pa apoya e integracion di e refugiado y migrante nan Venezolano.
Pa sinja tocante e storia nan di Voz nan scondi.
Tocante e fotografo
Berber van Beek ta un fotografo all-round y donjo di Studiorootz – photography, kende tin un lugar special pa proyecto nan relaciona cu sustanibilidad. E meta di e fotografo ta pa capta e storia di esnan vulnerabel y laga nan tin un voz.
